Rugged ஆண்
11 Aug 22
Stories
நான் அறிந்தவரை
ரக்கட் ஆண் பின்னொரு நாள் சாக்லேட் பாய் ஆகிவிடுகிறார்
சாக்லேட் பாயோ அகத்தில் அழுக்காய் இருக்கிறார்
கரடு முரடு நன்றா மென்மைத் தன்மை நன்றா
அடையாளத்தில் நன்மை இல்லை
வெள்ளையரும் பொய் கறுப்பரும் பொய்
நீதிமான் வெங்காயமாய் இருக்கிறார்
வெங்காயம் இன்னொரு நாளில் போராளியாகிவிடுகிறார்
மனிதருக்காய் ஈகை செய்கிறார்
சாக்லேட் பாய் அகவெறுப்புடன் வாழ்கிறார்
ஒருவர் தாடியும் மீசையும் மழித்து நங்கை ஆகிவிடுகிறார்
தன் மெய்மை அறிகிறார்
எல்லோரும் அகமும் புறமும் வேறு வேறாய் இருக்கிறார்
அடையாள அழிப்பு கால இயந்திரத்தின் ஓயாதவேலை
இதே பணியே பெண்களுக்கும்
பாணியும் இதே
பெண்களிலும் ரக்கட் வுமன் போற்றுதலுக்குரியோர் என்றோ
அச்சம் நாணம் மடம் பயிர்ப்பு சமூகத்திற்காகாதென்றோ
குறளில்லை
அடையாளம் எல்லாம் வாஷிங் மெஷினில் சலவைக்குப் போய்
வெகு காலமாகிறது.
அவரவருக்கே அடையாளம் தெரியா
காலக்கண்ணாடியைக் கைக்குள் அடக்கிக்கொண்டார்
மனிதராவார்
**
